ADVERTISEMENTs
.png)
ભારતીય મૂળની બ્રિટિશ આર્મી અધિકારી ‘પોલર પ્રીત’એ સર્જ્યો નવો જ રેકોર્ડ
મૂળ ભારતીય અને 34 વર્ષના બ્રિટિશ શીખ આર્મી અધિકારી હરપ્રીત ચંડીએ એક નવો જ રેકોર્ડ પ્રસ્થાપિત કર્યો છે.
Harprit Chandi -British Army Officer / Google
બ્રિટિશ શીખ આર્મી અધિકારી હરપ્રીત ચંડી 'પોલર પ્રીત' તરીકે ઓળખાય
મૂળ ભારતીય અને 34 વર્ષના બ્રિટિશ શીખ આર્મી અધિકારી હરપ્રીત ચંડીએ એક નવો જ રેકોર્ડ પ્રસ્થાપિત કર્યો છે. ધ્રુવીય સંશોધન માટે પહેલાં 2 ગિનિસ વર્લ્ડ રેકોર્ડ તોડનાર હરપ્રીત પોલર પ્રીત તરીકે જાણીતા છે. 31 દિવસ, 13 કલાક અને 19 મિનિટમાં 1,130 કિમી એન્ટાર્કટિક બરફને આવરી લેનાર ચંડી એન્ટાર્કટિકામાં એકલા સ્કી કરનાર સૌથી ઝડપી મહિલા બન્યાં હોવાનો દાવો કરે છે.
બ્રિટિશ આર્મી ઓફિસર તરીકે કેપ્ટન પ્રીત ચંડીએ અત્યાર સુધીમાં નેપાળ, કેન્યા અને દક્ષિણ સુદાનમાં સંયુક્ત રાષ્ટ્રની શાંતિ રક્ષા કામગીરીમાં સેવા આપી છે. હરપ્રીત ચંડી ધ્રુવ સુધી પહોંચવાનો રેકોર્ડ બનાવવા માટે 'પોલર પ્રીત' તરીકે ઓળખાય છે.
સાઉથ પોલના હરપ્રીત ચંડીએ તેમની જર્ની વિશે વાત કરતા જણાવ્યું હતું કે, હું બહુ જ થાકી ગઈ છું, પરંતુ હું ખુશ છું કે મેં આ કરી દેખાડ્યું છે. આ મારા પહેલાંના અભિયાનથી સંપૂર્ણપણે અલગ હતું. વધુમાં જણાવ્યું હતું કે, 'એક ગતિનો પ્રયાસ કરવો એ સંપૂર્ણપણે અલગ છે. મારા પહેલાંના અભિયાન બાદ મને ખબર પડી હતી કે હું બરફનો સારી રીતે સામનો કરી શકીશ, જેમણે મને તેમનો સામનો કરવાનો આત્મવિશ્વાસ આપ્યો છે.'
26 નવેમ્બરના રોજ ટ્રેક માટે ચંડી રોને આઇસ શેલ્ફ પર હર્ક્યુલસ ઇનલેટથી રવાના થયાં હતાં અને 28 ડિસેમ્બરના રોજ યુકેના સમય મુજબ સવારે 2.24 વાગ્યે દક્ષિણ ધ્રુવ પર પહોંચ્યાં હતાં. તે દિવસમાં સરેરાશ 12 થી 13 કલાક સ્કી કરતાં હતાં અને 75 કિલોનું સ્લેજ કરતાં હતાં જેમાં જીવન ટકાવી રાખવા માટે જરૂરી વસ્તુઓ હતી. ગિનીસ વર્લ્ડ રેકોર્ડને દાવાની ચકાસણી કરવાની જરૂર પડશે, જેમાં સમય લાગી શકે છે. જો પુષ્ટિ થાય તો તે અગાઉના રેકોર્ડ ધારક કેનેડિયન કેરોલિન કોટને પણ ટક્કર મારશે.
દક્ષિણ ધ્રુવની 700 માઇલની એન્ટાર્કટિક યાત્રા પૂર્ણ કરનાર પ્રથમ અશ્વેત મહિલા
હરપ્રીત કહે છે કે હું દરરોજ કેટલો સમય સ્કી કરીશ તેની માટે સતત મારે પ્રયત્નો કરવા પડતા હતા. વધુમાં કહ્યું હતું કે ખૂબ ધીમેથી અથવા ખૂબ ઝડપથી પૂર્ણ કરવાથી હું રેકોર્ડ ચૂકી જઈશ. એન્ટાર્કટિકાને એક અદ્ભુત સ્થળ તરીકે વર્ણવતા જણાવ્યું હતું કે હું ખુશ છે કે તે તેમને સુરક્ષિત માર્ગની મંજૂરી આપે છે. ચંડીએ વધુમાં જણાવ્યું હતું કે, અહીં હોવું કંઈક ખાસ છે. આ એવી જગ્યા નથી કે જેને કોઈ પણ વ્યક્તિ જીતી શકે છે આ વિચારથી તમે અહીં કશું પ્રાપ્ત કરી શકતા નથી. હકીકતમાં તે એક એવી જગ્યા છે જેનો તમે આદર કરી શકો છો અને આશા છે કે તમને સુરક્ષિત રીતે પસાર થવા દેશે.
પોતાની સફર વિશે વાત કરતા ચંડીએ કહ્યું હતું કે, તેમનું ધ્યાન તે શું કરી શકે છે અને તે શું નથી કરી શકતાં તેના પર છે. વુમન ઇન ડિફેન્સ એવોર્ડ્સ 2022માં 'વુમન ઓફ ધ યર' તરીકે સન્માનિત ચંડીએ 2021માં દક્ષિણ ધ્રુવની 700 માઇલની એન્ટાર્કટિક યાત્રા પૂર્ણ કરનાર પ્રથમ અશ્વેત મહિલા બનીને ઇતિહાસ રચી દીધો હતો.
ચંડીએ વધુમાં જણાવ્યું હતું કે, તેમને ક્યારે પણ વિચાર્યું ન હતું કે તે આ વર્ષે જ એન્ટાર્કટિકા પરત ફરશે, પરંતુ આ વાત સમજ્યા પછી પરત ફરી અને આ અભિયાન માત્ર પોતાની જાતને આગળ ધપાવવા માટે નથી પરંતુ અન્ય લોકોને તેમની મર્યાદાઓને પડકારવા અને તેમના અવરોધોને દૂર કરવા માટે પ્રેરણા આપવાનું પણ હતું. 'બરફ પરના તે અંધકારમય સમયમાં મારી સૌથી મોટી પ્રેરણાઓ પૈકી એક છે અન્ય લોકોને તેમના પડકાર તરફ આગળ વધવા માટે પ્રેરણા આપવાનો વિચાર હતો.'
ADVERTISEMENT
ADVERTISEMENT
E Paper
Video
.png)
.jpeg)
.jpg)
Comments
Start the conversation
Become a member of New India Abroad to start commenting.
Sign Up Now
Already have an account? Login