ADVERTISEMENTs
.png)
હિંડનબર્ગના આરોપમાં ઘેરાયેલા ભારતીય ઉદ્યોગપતિ ગૌતમ અદાણી અમેરિકન તપાસમાં પાસ
અદાણી ગ્રુપ પર આ વર્ષની શરૂઆતમાં અમેરિકાની શોર્ટ સેલિંગ કંપની હિંડનબર્ગ રિસર્ચે ફંડની હેરાફેરી અને પોતાની માર્કેટ વેલ્યુ વધારી ચઢાવીને બતાવવાનાં અનેક પ્રકારના ગંભીર આરોપ લગાવ્યા હતા.
અદાણી ગ્રુપ / google
અદાણી ગ્રુપ પર આ વર્ષની શરૂઆતમાં અમેરિકાની શોર્ટ સેલિંગ કંપની હિંડનબર્ગ રિસર્ચે ફંડની હેરાફેરી અને પોતાની માર્કેટ વેલ્યુ વધારી ચઢાવીને બતાવવાનાં અનેક પ્રકારના ગંભીર આરોપ લગાવ્યા હતા. જ્યારે આ રીપોર્ટનો ઘટસ્ફોટ થયો ત્યારે ગૌતમ અદાણી દુનિયાના બીજા નંબરના સૌથી ધનિક વ્યક્તિ હતા. આ રીપોર્ટ આવતા જ તેમની માર્કેટ વેલ્યુમાં 100 અરબ ડોલરથી વધુનો ઘટાડો થયો.
ગૌતમ અદાણી માટે રાહત
હવે ગૌતમ અદાણી માટે રાહતની વાત એ છે કે દુનિયાના ટોચના 20 ધનવાન લોકોમાં સામેલ ગૌતમ અદાણી અમેરિકાની તપાસમાં પાર ઉતર્યા છે. અદાણી ગ્રુપ પર આ વર્ષની શરૂઆતમાં જ અમેરિકન શોર્ટ સેલિંગ કંપની હિંડનબર્ગ રિસર્ચે ભંડોળનો દુરુપયોગ કરવાનો અને તેની બજાર કિંમતમાં વધારો કરીને દર્શાવવાનો આરોપ મૂક્યો હતો. તેમાંથી હવે તેમને ક્લિનચીટ મળી છે.
આ સાથે જ, અમેરિકાએ ભારતીય ઉદ્યોગપતિ ગૌતમ અદાણીની કંપની દ્વારા શ્રીલંકામાં વિકસાવવામાં આવી રહેલા પોર્ટ પ્રોજેક્ટ માટે હાલમાં જ 55.3 કરોડ ડોલરની આર્થિક સહાય પણ મંજૂર કરી દીધી છે. ત્યારે હાલમાં જ એક રિપોર્ટમાં દાવો કરવામાં આવ્યો છે કે, અમેરિકન સરકારે ફંડ આપતા પહેલાં અદાણી સામે સૌથી મોટા કોર્પોરેટ કૌભાંડના આરોપોની પોતાની રીતે તપાસ કરી હતી.
અદાણી સામે નાણાકીય ગેરરીતિના જે આરોપો છે તેને આ પ્રોજેક્ટ સાથે કોઈ જ લેવાં-દેવાં નથી.
અમેરિકાના એક સિનિયર અધિકારીના હવાલાથી એક મીડિયા રિપોર્ટમાં દાવો કર્યો છે કે અમેરિકન સરકારની તપાસમાં જાણવા મળ્યું છે કે અદાણી સામે નાણાકીય ગેરરીતિના જે આરોપો છે તેને આ પ્રોજેક્ટ સાથે કોઈ જ લેવાં-દેવાં નથી. આ પછી જ અદાણી પોર્ટ્સને ઇન્ટરનેશનલ ડેવલપમેન્ટ ફાયનાન્સ કોર્પોરેશન (DFC)એ 553 મિલિયન ડોલરની નાણાકીય સહાય પર મ્હોર મારી હતી.
અમેરિકાથી અદાણીની તરફેણમાં રિપોર્ટ આવ્યાની મંગળવારે ખૂબ જ મોટી અસર પડી હતી. ભારતીય શેરબજારમાં અદાણી ગ્રુપની કંપનીઓના શેરમાં18 ટકા સુધીનો વધારો જોવા મળ્યો હતો. આ સાથે જ અદાણી ગ્રુપની કંપનીઓની માર્કેટ કેપ 14 લાખ કરોડ રૂપિયાને પાર કરી ચુકી છે.
ચીન બેલ્ટ એન્ડ રોડ ઇનિશિયેટિવ દ્વારા આ એરિયામાં પોતાની પહોંચ વધારી રહ્યું છે. જેને ધ્યાનમાં રાખીને અમેરિકાએ અદાણી ગ્રુપ સાથે શ્રીલંકામાં એશિયાના સૌથી મોટા પ્રોજેક્ટ્સમાં રોકાણ કરવાનો નિર્ણય કર્યો છે.
ADVERTISEMENT
ADVERTISEMENT
E Paper
Video
.png)
.jpeg)
.jpg)
Comments
Start the conversation
Become a member of New India Abroad to start commenting.
Sign Up Now
Already have an account? Login