ਵਿਵੇਕ ਰਾਮਾਸਵਾਮੀ ਦਾ ਕਹਿਣਾ , "ਜੇਡੀ ਵੈਂਸ ਹੋਣਗੇ ਇੱਕ ਸ਼ਾਨਦਾਰ ਉਪ ਰਾਸ਼ਟਰਪਤੀ"

ਰਾਮਾਸਵਾਮੀ ਅਤੇ ਵੈਂਸ ਦੋਵੇਂ ਪੁਰਾਣੇ ਕਲਾਸਮੇਟ ਹਨ , ਰਾਮਾਸਵਾਮੀ ਨੇ ਉਪ ਰਾਸ਼ਟਰਪਤੀ ਲਈ ਉਨ੍ਹਾਂ ਨੂੰ ਵਧੀਆ ਚੋਣ ਕਰਾਰ ਦਿੱਤਾ ਅਤੇ ਕਿਹਾ ,"ਮੈਨੂੰ ਅੱਜ ਦੱਖਣ-ਪੱਛਮੀ ਓਹੀਓ ਦੇ ਆਪਣੇ ਦੋਸਤ ਅਤੇ ਸਹਿਪਾਠੀ 'ਤੇ ਬਹੁਤ ਮਾਣ ਹੈ।

ਭਾਰਤੀ-ਅਮਰੀਕੀ ਉਦਯੋਗਪਤੀ ਵਿਵੇਕ ਰਾਮਾਸਵਾਮੀ ਅਤੇ ਸੈਨੇਟਰ ਜੇ.ਡੀ. ਵੈਂਸ / Facebook/Vivek Ramaswamy, Facebook/JD Vance

ਭਾਰਤੀ-ਅਮਰੀਕੀ ਉੱਦਮੀ ਅਤੇ ਰਿਪਬਲਿਕਨ ਵਿਵੇਕ ਰਾਮਾਸਵਾਮੀ ਨੇ ਅਗਾਮੀ ਅਮਰੀਕੀ ਰਾਸ਼ਟਰਪਤੀ ਚੋਣਾਂ ਲਈ ਡੋਨਾਲਡ ਟਰੰਪ ਦੇ ਉਪ-ਰਾਸ਼ਟਰਪਤੀ ਉਮੀਦਵਾਰ ਵਜੋਂ ਜੇਡੀ ਵੈਂਸ ਦੀ ਚੋਣ ਦਾ ਜ਼ੋਰਦਾਰ ਸਮਰਥਨ ਕੀਤਾ ਹੈ।

ਰਾਮਾਸਵਾਮੀ ਅਤੇ ਵੈਂਸ ਦੋਵੇਂ ਪੁਰਾਣੇ ਕਲਾਸਮੇਟ ਹਨ , ਰਾਮਾਸਵਾਮੀ ਨੇ ਉਪ ਰਾਸ਼ਟਰਪਤੀ ਲਈ ਉਨ੍ਹਾਂ ਨੂੰ ਵਧੀਆ ਚੋਣ ਕਰਾਰ ਦਿੱਤਾ ਅਤੇ ਕਿਹਾ ,"ਮੈਨੂੰ ਅੱਜ ਦੱਖਣ-ਪੱਛਮੀ ਓਹੀਓ ਦੇ ਆਪਣੇ ਦੋਸਤ ਅਤੇ ਸਹਿਪਾਠੀ 'ਤੇ ਬਹੁਤ ਮਾਣ ਹੈ। ਅਸੀਂ ਲਾਅ ਸਕੂਲ ਦੇ ਬਾਰ ਵਿੱਚ ਬੇਂਗਲਾਂ ਦੀਆਂ ਖੇਡਾਂ ਦੇਖਦੇ ਸੀ, ਅਤੇ ਇਹ ਹੈਰਾਨੀਜਨਕ ਹੈ ਕਿ, ਦਸ ਸਾਲ ਬਾਅਦ, ਜੇਡੀ ਹੁਣ ਸਾਡੇ ਕੋਲ ਸਭ ਤੋਂ ਮਜ਼ਬੂਤ ਰਾਸ਼ਟਰਪਤੀ ਟੀਮ ਦਾ ਹਿੱਸਾ ਹਨ।"

ਰਾਮਾਸਵਾਮੀ ਨੇ ਅੱਗੇ ਕਿਹਾ, "ਉਹ ਇੱਕ ਸ਼ਾਨਦਾਰ ਉਪ ਰਾਸ਼ਟਰਪਤੀ ਹੋਣਗੇ ਅਤੇ ਮੈਂ ਉਨ੍ਹਾਂ ਲਈ ਅਤੇ ਸਾਡੇ ਦੇਸ਼ ਲਈ ਆਉਣ ਵਾਲੀ ਹਰ ਚੀਜ਼ ਦੀ ਉਮੀਦ ਕਰਦਾ ਹਾਂ।"

ਰਾਮਾਸਵਾਮੀ ਨੇ ਵੈਂਸ ਦੀ ਨਿਮਰ ਸ਼ੁਰੂਆਤ ਅਤੇ ਉਸ ਦੀ ਉਮੀਦਵਾਰੀ ਦੇ ਸੰਭਾਵੀ ਸਕਾਰਾਤਮਕ ਪ੍ਰਭਾਵ ਨੂੰ ਉਜਾਗਰ ਕੀਤਾ। ਉਹਨਾਂ ਨੇ ਕਿਹਾ ਕਿ ,"ਜੇਡੀ ਇੱਕ ਨਿਮਰ ਮਾਹੌਲ ਵਿੱਚ ਵੱਡਾ ਹੋਇਆ ਅਤੇ ਉਸਨੇ ਅਮਰੀਕੀ ਸੁਪਨੇ ਨੂੰ ਪ੍ਰਾਪਤ ਕੀਤਾ ਹੈ। ਉਸਦੀ ਪਤਨੀ, ਊਸ਼ਾ, ਜੋ ਸਾਡੇ ਪਰਿਵਾਰ ਦੀ ਦੋਸਤ ਹੈ ਅਤੇ ਮੇਰੇ ਵਾਂਗ ਲਾਅ ਸਕੂਲ ਦੀ ਕਲਾਸ ਵਿੱਚ ਸੀ, ਇਸ ਮੁਹਿੰਮ ਵਿੱਚ ਨਵੇਂ ਵੋਟਰਾਂ ਤੱਕ ਪਹੁੰਚਣ ਵਿੱਚ ਮਦਦ ਕਰ ਸਕਦੀ ਹੈ। ਜੇਡੀ ਆਪਣੇ ਆਪ ਵਿੱਚ ਇੱਕ ਵਿਲੱਖਣ ਦ੍ਰਿਸ਼ਟੀਕੋਣ ਹਨ ਜੋ ਨਵੇਂ ਵੋਟਰਾਂ ਨੂੰ ਲਿਆ ਸਕਦੇ ਹਨ।

ਇਹ ਟਿੱਪਣੀਆਂ ਰਾਮਾਸਵਾਮੀ ਦੇ 2024 ਦੇ ਰਿਪਬਲਿਕਨ ਰਾਸ਼ਟਰਪਤੀ ਅਹੁਦੇ ਦੀ ਦੌੜ ਤੋਂ ਬਾਹਰ ਹੋਣ ਤੋਂ ਬਾਅਦ ਆਈਆਂ ਹਨ। ਉਹ ਆਇਓਵਾ ਕਾਕਸ ਵਿੱਚ ਟਰੰਪ, ਫਲੋਰੀਡਾ ਦੇ ਗਵਰਨਰ ਰੌਨ ਡੀਸੈਂਟਿਸ ਅਤੇ ਦੱਖਣੀ ਕੈਰੋਲੀਨਾ ਦੀ ਸਾਬਕਾ ਗਵਰਨਰ ਨਿੱਕੀ ਹੇਲੀ ਤੋਂ ਬਾਅਦ ਚੌਥੇ ਸਥਾਨ 'ਤੇ ਰਹੇ। ਆਇਓਵਾ ਕਾਕਸ ਵਿਚ ਟਰੰਪ ਦੀ ਜਿੱਤ ਨੇ ਲਗਾਤਾਰ ਤੀਜੀ ਵਾਰ ਰਿਪਬਲਿਕਨ ਨਾਮਜ਼ਦਗੀ ਪ੍ਰਾਪਤ ਕਰਨ ਲਈ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕੀਤੀ।

ਟਰੰਪ ਨੇ ਟਰੂਥ ਸੋਸ਼ਲ 'ਤੇ ਐਲਾਨ ਕੀਤਾ ਕਿ ਉਨ੍ਹਾਂ ਨੇ ਵੈਂਸ ਨੂੰ ਉਪ ਰਾਸ਼ਟਰਪਤੀ ਵਜੋਂ ਚੁਣਿਆ ਹੈ। ਉਹਨਾਂ ਨੇ ਸਾਂਝਾ ਕੀਤਾ ਕਿ , "ਲੰਬੇ ਸਮੇਂ ਤੋਂ ਕਾਫੀ ਸੋਚਣ ਤੋਂ ਬਾਅਦ ਅਤੇ ਬਹੁਤ ਸਾਰੇ ਪ੍ਰਤਿਭਾਸ਼ਾਲੀ ਲੋਕਾਂ 'ਤੇ ਵਿਚਾਰ ਕਰਨ ਤੋਂ ਬਾਅਦ, ਮੈਂ ਫੈਸਲਾ ਕੀਤਾ ਕਿ ਸੰਯੁਕਤ ਰਾਜ ਦੇ ਉਪ ਰਾਸ਼ਟਰਪਤੀ ਲਈ ਸਭ ਤੋਂ ਵਧੀਆ ਵਿਅਕਤੀ ਓਹੀਓ ਤੋਂ ਸੈਨੇਟਰ ਜੇਡੀ ਵੈਂਸ ਹੈ।"