ਕੇਅਰ ਵਰਕਰ ਵੀਜ਼ਾ 'ਤੇ ਯੂਕੇ ਆਏ ਹਜ਼ਾਰਾਂ ਭਾਰਤੀਆਂ ਨਾਲ ਹੋਇਆ ਧੋਖਾ , ਭਾਰਤ ਵਿੱਚ ਏਜੰਟਾਂ ਨੂੰ ਭਰੀ ਸੀ ਭਾਰੀ ਫ਼ੀਸ

ਐਨਸੀਜੀਓ ਦੇ ਸਲਾਹਕਾਰ ਕਾਂਤੀ ਨਾਗਦਾ ਨੇ ਕਿਹਾ, "ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰ ਰਹੇ ਲੋਕਾਂ ਵਿੱਚੋਂ ਬਹੁਤ ਸਾਰੇ ਗੁਜਰਾਤੀ ਹਨ। ਉਨ੍ਹਾਂ ਕੋਲ ਨਾ ਤਾਂ ਕੋਈ ਨੌਕਰੀ ਹੈ ਅਤੇ ਨਾ ਹੀ ਕੋਈ ਪੈਸਾ ਅਤੇ ਸਾਡੇ ਸਾਹਮਣੇ ਉਹ ਰੋ ਰਹੇ ਹਨ। ਕੁਝ ਨੂੰ ਦੇਸ਼ ਨਿਕਾਲੇ ਦੇ ਨੋਟਿਸ ਮਿਲ ਰਹੇ ਹਨ।" NCGO ਦਾ ਅੰਦਾਜ਼ਾ ਹੈ ਕਿ ਲਗਭਗ 2,500 ਭਾਰਤੀ, ਜਿਨ੍ਹਾਂ ਵਿੱਚੋਂ 1,300 ਗੁਜਰਾਤੀ ਹਨ, ਇਸ ਸਮੱਸਿਆ ਤੋਂ ਪ੍ਰਭਾਵਿਤ ਹਨ।"

ਪ੍ਰਤੀਕ ਚਿੱਤਰ / istock

ਕੇਅਰ ਵਰਕਰ ਵੀਜ਼ਾ 'ਤੇ ਯੂਕੇ ਆਏ ਹਜ਼ਾਰਾਂ ਭਾਰਤੀ ਬੇਸਹਾਰਾ ਹਾਲਾਤਾਂ ਵਿੱਚ ਹਨ, ਇਹ ਪਤਾ ਲੱਗਣ ਤੋਂ ਬਾਅਦ ਕਿ ਉਨ੍ਹਾਂ ਨੂੰ ਜਿਸ ਕੰਪਨੀ ਲਈ ਕੰਮ ਕਰਨਾ ਚਾਹੀਦਾ ਸੀ, ਉਹ ਮੌਜੂਦ ਨਹੀਂ ਹੈ ਕੁਝ ਨੂੰ ਦੇਸ਼ ਨਿਕਾਲੇ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਗੁਜਰਾਤੀ ਸੰਗਠਨਾਂ ਦੀ ਨੈਸ਼ਨਲ ਕੌਂਸਲ (ਯੂਕੇ), ਜਾਂ ਐਨਸੀਜੀਓ, ਪੰਜ ਕੇਸਾਂ ਦੀ ਨੁਮਾਇੰਦਗੀ ਕਰ ਰਹੀ ਹੈ ਪਰ ਇਸ ਕੌਂਸਲ ਦਾ ਕਹਿਣਾ ਹੈ ਕਿ ਇਹਨਾਂ ਪੰਜ ਕੇਸਾਂ ਤੋਂ ਇਲਾਵਾ ਹੋਰ ਹਜਾਰਾਂ ਕੇਸ ਹਨ , ਇਹਨਾਂ ਸਮੱਸਿਆਵਾਂ ਦਾ ਸਾਹਮਣਾ ਕਰ ਰਹੇ ਬਹੁਤ ਸਾਰੇ ਲੋਕ ਅੱਗੇ ਆਉਣ ਤੋਂ ਡਰਦੇ ਹਨ। ਇਸ ਵਿਚ ਕਿਹਾ ਗਿਆ ਹੈ ਕਿ ਇਨ੍ਹਾਂ ਪ੍ਰਵਾਸੀਆਂ ਨੇ ਭਾਰਤ ਵਿਚ ਏਜੰਟਾਂ ਨੂੰ ਭਾਰੀ ਫੀਸ ਅਦਾ ਕੀਤੀ।

ਗੁਜਰਾਤੀ ਸੰਗਠਨਾਂ ਦੀ ਨੈਸ਼ਨਲ ਕੌਂਸਲ (ਐਨਸੀਜੀਓ) ਨੇ ਯੂਕੇ ਦੇ ਗ੍ਰਹਿ ਸਕੱਤਰ ਜੇਮਸ ਕਲੀਵਰਲੀ ਨਾਲ ਮੀਟਿੰਗ ਦੀ ਬੇਨਤੀ ਕੀਤੀ ਹੈ। ਐਨਸੀਜੀਓ ਦੇ ਸਲਾਹਕਾਰ ਕਾਂਤੀ ਨਾਗਦਾ ਨੇ ਕਿਹਾ, "ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰ ਰਹੇ ਲੋਕਾਂ ਵਿੱਚੋਂ ਬਹੁਤ ਸਾਰੇ ਗੁਜਰਾਤੀ ਹਨ। ਉਨ੍ਹਾਂ ਕੋਲ ਨਾ ਤਾਂ ਕੋਈ ਨੌਕਰੀ ਹੈ ਅਤੇ ਨਾ ਹੀ ਕੋਈ ਪੈਸਾ ਅਤੇ ਸਾਡੇ ਸਾਹਮਣੇ ਉਹ ਰੋ ਰਹੇ ਹਨ। ਕੁਝ ਨੂੰ ਦੇਸ਼ ਨਿਕਾਲੇ ਦੇ ਨੋਟਿਸ ਮਿਲ ਰਹੇ ਹਨ।" NCGO ਦਾ ਅੰਦਾਜ਼ਾ ਹੈ ਕਿ ਲਗਭਗ 2,500 ਭਾਰਤੀ, ਜਿਨ੍ਹਾਂ ਵਿੱਚੋਂ 1,300 ਗੁਜਰਾਤੀ ਹਨ, ਇਸ ਸਮੱਸਿਆ ਤੋਂ ਪ੍ਰਭਾਵਿਤ ਹਨ।

ਜਿਨ੍ਹਾਂ ਲੋਕਾਂ ਨੂੰ ਦੇਸ਼ ਨਿਕਾਲੇ ਦੇ ਨੋਟਿਸ ਪ੍ਰਾਪਤ ਹੋਏ ਹਨ, ਉਨ੍ਹਾਂ ਨੂੰ ਸੂਚਿਤ ਕੀਤਾ ਗਿਆ ਹੈ ਕਿ ਜੇਕਰ ਉਹ 60 ਦਿਨਾਂ ਦੇ ਅੰਦਰ ਲਾਇਸੈਂਸ ਰੱਖਣ ਵਾਲੇ ਨਵੇਂ ਰੁਜ਼ਗਾਰਦਾਤਾ ਨਾਲ ਸਮਾਨ ਖੇਤਰ ਵਿੱਚ ਨੌਕਰੀ ਪ੍ਰਾਪਤ ਕਰ ਸਕਦੇ ਹਨ, ਤਾਂ ਉਹ ਰਹਿ ਸਕਦੇ ਹਨ। ਹਾਲਾਂਕਿ, ਨਾਗਦਾ ਨੇ ਕਿਹਾ ਕਿ ਸ਼ਾਇਦ ਹੀ ਕੋਈ ਅਜਿਹਾ ਕਰਨ ਵਿੱਚ ਕਾਮਯਾਬ ਰਿਹਾ ਕਿਉਂਕਿ "ਇੱਥੇ ਬਹੁਤ ਸਾਰੀਆਂ ਨੌਕਰੀਆਂ ਨਹੀਂ ਹਨ।"

ਗੁਜਰਾਤ ਦੇ ਪੰਜ ਵਿਅਕਤੀ, 22 ਤੋਂ 40 ਸਾਲ ਦੀ ਉਮਰ ਦੇ ਮਰਦ ਅਤੇ ਔਰਤਾਂ, ਪਿਛਲੇ ਛੇ ਮਹੀਨਿਆਂ ਵਿੱਚ ਕੇਅਰ ਸਿਸਟਮ ਵਿੱਚ ਕੰਮ ਕਰਨ ਲਈ ਆਏ ਸਨ ਪਰ ਉਨ੍ਹਾਂ ਦਾ ਸਾਹਮਣਾ ਧੋਖੇਬਾਜ਼ ਮਾਲਕਾਂ ਨਾਲ ਹੋਇਆ ਜਿਨ੍ਹਾਂ ਕੋਲ ਲੰਡਨ, ਆਕਸਫੋਰਡ ਅਤੇ ਬ੍ਰਿਸਟਲ ਵਿੱਚ ਕੰਮ ਦੇ ਮੌਕੇ ਨਹੀਂ ਹਨ। ਉਨ੍ਹਾਂ ਨੇ ਗੁਜਰਾਤ ਵਿੱਚ ਏਜੰਟਾਂ ਨੂੰ ਵਰਕ ਪਰਮਿਟ ਲੈਣ ਲਈ 12 ਲੱਖ ਰੁਪਏ ਤੋਂ ਲੈ ਕੇ 18 ਲੱਖ ਰੁਪਏ ਤੱਕ ਦਾ ਭੁਗਤਾਨ ਕੀਤਾ। ਪੰਜਾਂ ਵਿੱਚੋਂ ਦੋ ਨੂੰ ਦੇਸ਼ ਨਿਕਾਲੇ ਦੇ ਨੋਟਿਸ ਮਿਲੇ ਹਨ ਕਿਉਂਕਿ ਉਨ੍ਹਾਂ ਦੇ ਸਪਾਂਸਰਾਂ ਦੇ ਹੋਮ ਆਫਿਸ ਦੁਆਰਾ ਉਨ੍ਹਾਂ ਦੇ ਲਾਇਸੈਂਸ ਰੱਦ ਕਰ ਦਿੱਤੇ ਗਏ ਹਨ।

ਨਾਗਦਾ ਨੇ ਅੱਗੇ ਕਿਹਾ, ਕਿ "ਉਨ੍ਹਾਂ ਦੇ ਪਰਿਵਾਰਾਂ ਨੇ ਭਾਰਤ ਵਿੱਚ ਏਜੰਟਾਂ ਨੂੰ ਸ਼ਿਕਾਇਤ ਕੀਤੀ ਹੈ, ਅਤੇ ਉਹ ਕਹਿੰਦੇ ਹਨ, 'ਅਸੀਂ ਤੁਹਾਨੂੰ ਯੂਕੇ ਭੇਜਣ ਦਾ ਵਾਅਦਾ ਕੀਤਾ ਸੀ, ਅਤੇ ਤੁਸੀਂ ਯੂਕੇ ਵਿੱਚ ਹੋ।'" ਕੇਅਰ ਵੀਜ਼ਾ 'ਤੇ ਯੂਕੇ ਵਿੱਚ ਆਉਣ ਵਾਲਾ ਸਭ ਤੋਂ ਵੱਡਾ ਸਮੂਹ ਭਾਰਤੀਆਂ ਦਾ ਹੈ । ਮਾਰਚ ਵਿੱਚ ਪ੍ਰਕਾਸ਼ਿਤ ਇੱਕ ਰਿਪੋਰਟ ਵਿੱਚ ਖੁਲਾਸਾ ਹੋਇਆ ਕਿ ਇੱਕ ਗੈਰ-ਮੌਜੂਦ ਕੇਅਰ ਹੋਮ ਨੂੰ ਸਪਾਂਸਰਸ਼ਿਪ ਦੇ 275 ਸਰਟੀਫਿਕੇਟ ਦਿੱਤੇ ਗਏ ਸਨ, ਅਤੇ ਸਿਰਫ ਚਾਰ ਕਰਮਚਾਰੀਆਂ ਵਾਲੀ ਕੰਪਨੀ ਨੂੰ 1,234 ਸਰਟੀਫਿਕੇਟ ਦਿੱਤੇ ਗਏ ਸਨ।